Jeug Oor Kultuur-Fees (JOK Fees)

florrie idols: 

 

joshua na die reën en wolwedans:

 

katjiepiering:

 

Drama Aand:

Die graad 12 Drama-leerders het op 30 Julie 2018 die geleentheid gehad om soos, in Hollywood, hulle praktiese eksamenstukke op te voer.  Die optredes was skitterend en die gehoor kon hulle inleef in die gedagtes van moordenaar, liefdevolle mans en vroue tot die ellende en swaarkry van die konsentrasiekampe in die Anglo Boere-oorlog.  

europese dag:

Groot opgewondenheid het geheers oor die "Tour de Florries" wat op 31 Julie 2018 plaasgevind het. Die Afrikaanse-, Engelse-, Duitse-, en Franse-spanne het meegeding. Baie dankie aan die Bergfiets-leerders wat ons vier tale-spanne verteenwoordig het. Dankie vir 'n prettige Europese dag!

Tongelos:

Wat ʼn aand vol pret en plesier.  Ons is vermaak deur kreatiewe karakters.  Die musiektrivia-kompetisie het die breinsappe behoorlik laat vloei.

Wenners: 

  • Beste geklee:
  • Beste kreet:
  • Musiektrivia wenners:

Dankie aan elkeen wat die aand so prettig versier het!!

blikkieskoor:

_DSC8622.JPG

  Die Florries maak geskiedenis! 

Ons bloed is groen, maar so ook ons voetspore. Elke klas het blikkies versamel sodat kreatiewe blikkieskore gebou kon word. Die kreatiewe idee's het behoorlik gevloei. Na die beoordeling is al die blikkies plat getrap en aan 'n herwinningsmaatskappy oorhandig. Dankie aan elke leerder wat groen dink - ons is trots op julle!

 

 

 

Florries Got Talent:

Die saal het behoorlik gebars van opwinding... die stoele was volgepak... die seremoniemeester op sy pos!  Gereed.... aksie!

Só het nog ʼn suksesvolle Jokfees-aktiwiteit op Woensdag, 1 Augustus 2018 plaasgevind.  Die Florries het behoorlik met hul talente kom spog.  Van die sang- en dansitems was van hoogstaande gehalte en vir baie Florries was dit hul eerste keer op die verhoog.

Baie geluk aan die algehele wenners:

  1.  
  2.  
  3.  

Babbelfees:

Die jaarlikse Babbelfees het op 2 Augustus plaasgevind.  Ses skole het deelgeneem naamlik, Hoërskole Florida, Transvalia, Randburg, Bastion, Marais Viljoen en Laerskool Helderkruin (wat in die graad 8-groep meegeding het).

Die skole het in spanverband deelgeneem en daar is ook 14 beste sprekers wat individueel teen mekaar meegeding het.  Die beoordelaars was, soos elke jaar, baie beïndruk met die gehalte van die sprekers se toesprake.  Melissa Schroeder (gr. 12) is aangewys as die beste spreker van graad 12 en ons graad 12-span het ook gewen.  Ons graad 11-span was die naaswenners en ons ander graad 11-span het 80% behaal.  

con spirito koorfees:

Con Spirito tree op Vrydag, 4 Augustus 2018 (18:00 vir 18:30) op by ons koorfees. Kaartjies is beskikbaar by Thea Fourie in die finansiële kantoor teen R60 per persoon.


AGTERGROND:

‘n Naam is vir die fees gesoek – iets wat lekker op die tong sou lê. So het Jok-fees of te wel Jeug Oor Kultuur onstaan. Plakkate is ontwerp. Heel kreatief het een van die kunsleerders ‘n wasgoedpennetjie geteken en slagspreuke soos :”JOK en Jol”, “Hang uit met kultuur”, “Pen dit vas” en “JOK jy ook?” ontstaan.

DIE IDEE

Het posgevat by 'n oudleerder Henriëtte Fourie en haar ma, Jeanette, in samewerking met mnr Niekie van den Berg

DIE DOEL

Om 'n verhoog daar te stel waar talentvolle hoërskoolleerders kan optree en om leerders aan kultuur bloot te stel.

DIE PROSES

Nie lank daarna nie is 'n opleidingskursus aangebied deur die ghoeroes van die KKNK, Karen Meiring en Jans Rautenbach wat vir belangstellendes van heide en verre kom vertel het van die moets en moenies verbonde aan 'n kunstefees. 'n LOGO sien die lig. Spel tussen woord, letters en beeld resulteer in Jeug-Oor-Kultuur

DIE KARAKTER

Van die JOK-fees ontwikkel as 'n tradisionele feesweek, aangebied by Hoërskool Florida waar leerders blootgestel word aan alle fassette van kultuur. Die fokuspunt is nie uitsluitlik kuns- en kultuur nie, maar ook blikkiesbou, 'n teetuin - Katjiepiering - aangebied deur die Kuns en Hotel Departement, entrepreneurs-geleenthede, dans en baie meer. Die doel is ook nie net kulturele verryking nie, maar sommer net gesonde pret en ontspanning.

Met die eerste jaar se bouery van ‘Florassic Park” word 201 371 blikke ingesamel en die voortuin omskep in ‘n park vol diere. Florassic Park se inwoners –‘n leeu, buffel, kameelperd, renoster en olifant was so indrukwekkend dat dit tot verskeie verkeersknope voor Hoërskool Florida gelei het. Mense wat verby gery het moes eers stop om na die asemrowende blikdiere te staar.

UITVOERENDE KUNSTE:

  • Afrikaanse en/of Engelse Eenbedrywe
  • Kore
  • Solosang
  • Sang ensemble
  • Solo Instrumentaal
  • Ensemble Instrumentaal
  • Kontemporêre Dans
  • Kuns
  • Eksperimentele werk (Groeptema/Informeel/beweging)
  • Mimiek

VISUELE KUNSTE:

  • Skilderkuns
  • Beeldhoukuns
  • Grafiese kuns (lino, etz, monotipes)
  • Tekenkuns

GASKUNSTENAARS

Wat al oor die jare opgetree het sluit in: Randal Wicomb, Pieter Smit, Navi Red, Mathys Roets, Overtone, Coenie de Villiers, Glaskas, Lucas Maree, Theuns Jordaan, Revolusie, Prime Circle, Nataniël, Robbie Wessels, Chris Cameleon, Karen Zoid, Klopjag, Tuindwergies, Melktertkommissie, Straatligkinders, DNA Strings, Dewald WasserFall en Joshua Na Die Reën.