Florries na 50 jaar amper almal by
reünie
Vlnr: Gerhard Kotze, Bauke Dykstra, Guillaume
Oberholzer (hoofseun 1959), Lieschen Odendaal (nee Oelofsen) (hoofdogter 1959),
Nic van Onselen (sameroeper reünie) en Pieter Strijdom.Die Matrieks van Hoërskool Florida
van 1959 het op Saterdag 17 Oktober hulle geskiedkundige 50-jarige reünie by
die skool gehou. Geskiedkundig, omdat hulle die skool se eerste standerd
6-klas was toe die skool in 1955 'n Afrikaansmediumskool geword het.
Nic van Onselen (sameroeper van die
reünie reëlingskomitee) het in sy verwelkoming gesê dat die komitee sy eerste
vergadering reeds in September 2008 gehou het, waarna daar begin is met die
opsporing van die 1959 Matrieks.
Agt klasmaats is oorlede, 3 dames en
8 mans kon nie die reünie bywoon nie. Drie onderwysers, nl. mnr. Victor
Horne, dr. Ben Meintjies en adv. Francis Bosman (nee van der Merwe) het ook die
geleentheid bygewoon.
Mnr. Victor Horne het die byeenkoms
met skriflesing en gebed geopen waarna die Hoofseun en Hoofmeisie 50 jaar
gelede se "geheime" uitgelap het. Mnr. Marthinus Schutte
(huidige skoolhoof) het teenwoordiges ingelig oor die huidige stand van
onderwys en oor die prestasies van Hoërskool Florida. Die begeleide toer
deur die skool wat 50 jaar gelede hul "tuiste" was het groot nostalgiese
byval gevind.
Mnr. Chris Schlebusch (jr.) het as
nuutgestigde Alumni-voorsitter hierdie unieke groep trotse oud-leerlinge
toegespreek. Chris was in 1999 in matriek!
Sangkompetisie
open deure vir oud-Florrie
OUD-FLORRIE
DEEL VAN WALL.E FLIEK WAT OSCAR WEN
Jaar
gematrikuleer: 1979
Deelname:
Hoofprefek, Eerste Krieketspan, Voorsitter CSV, Voorsitter
Debatsbestuur, Redakteur Pssst Skoolkoerant (1978)
Na skool
het ek 'n M.Sc graad aan RAU ontvang en by WNNR gewerk.
Ek is in 1985 met Ronel Steyn getroud en het 3 seuns,
Nicolas, Conrad, en Dewald. In 1989 is ons VSA toe waar
ek 'n PhD in Rekenaargrafika verwerf het. Van 1996-2001
het ek by die Satelliettoepassingsentrum van WNNR by
Hartebeesthoek gewerk, onder andere as programbestuurder
vir geo-inligting projekte. In 2002 het ons teruggekom
VSA toe, waar ek die afgelope 7 jaar as 'n Tegniese
Direkteur by Pixar Animation Studios werk. (Krediete
op: The Incredibles, Cars, Ratatouille, en WALL.E; werk
tans aan Toy Story 3).
Dr Ferdi
Scheepers
Ferdi
Scheepers & Andrew Stanton, 23 Feb 2009 (WALL.E
- BestAnimated Feature Film of the Year)
OUD-FLORRIE
VERTOLK HOOFROL IN ONS VIR JOU
Rouel
Beukes speel die rol van Genl. Koos de la Rey in die
musiekspel Ons vir jou wat tans in die Staatsteater
opgevoer word. Die stuk ontlok baie uiteenlopende
kommentaar, maar dit blyk dat dit vol teaters trek en
telkens staande ovasies ontvang. Rouel Beukes
het in 1972 aan Hoërskool Florida gematrikuleer.
Volgens
Rouel is dit by Florries waar hy “ontdek” is toe hy
‘n sangkompetisie gewen het. Hoërskool Florida
het Erekleure vir Kultuur aan hom toegeken vir sy prestasies
en bydaes op kultuurgebied. Op skool was hy onder
andere Voorsitter van die Debatsvereniging, op die redaksie
van die skoolkoerant (“Ek dink die naam van die skoolkoerant
was ‘Byekorf’”), ‘n aktiewe lid van die koor (“Doortjie
se koortjie") onder leiding van Dora le Roux, lid
van die Leerlingraad en kaptein van die tweede tennisspan.
Volgens Rouel was al sy sosiale en buitemuurse aktiwiteite
vir hom belangriker as sy studies en het hy amper sy
finale skooljaar gedruip!
Hy
het na skool ‘n loopbaan in operasang gevolg en hy vertel
van Sarie Lambrecht “my tweede moeder” wat oor ‘n tydperk
van 30 jaar ‘n groot invloed op sy lewe gehad het. Hy
het onder meer by haar sanglesse geneem. Op sy
debuutaand as operasanger op 12 April 1978 is sy vader
vir wie hy groot agting gehad het, oorlede. Sy
webwerf www.rouelbeukes.co.za
getuig van ‘n suksesvolle loopbaan van harde werk en
baie hoogtepunte.
Hoërskool
Florida salueer hierdie beskeie familieman as een van
sy top oud-leerlinge op wie die skool baie trots is!
Hoërskool
Florida is aktief besig om met alle oud-leerlinge te
skakel met die oog op die tot stand bring van ‘n lewendige
samewerkingsverhouding. Alle oud-leerlinge word
versoek om van hulle te laat hoor deur ‘n e-pos te stuur
aan Ethne Oelofse by msschutte@florries.co.za.
Die Klas van 1988 kom op 18 Oktober by die skool
bymekaar – skakel dadelik met Pieter Hough by pieter.hough@za.pwc.com.
Die Klas van 1984 op 21 Februarie 2009 – skakel
met Theresa Eckardt by TEckardt@cellc.co.za
én die Klas van 1959!! is besig om te reël
vir 17 Oktober 2009 – skakel met Nic van Onselen by
entire@norufin.co.za.
Enige
navrae oor Hoërskool Florida Alumni-sake kan gerig
word aan Ethne Oelofse by Hoërskool Florida by
msschutte@florries.co.za
HULDEBLYK: CHRIS VAN ONSELEN
Gebore: 29 Julie 1948 in
Johannesburg
Skoolloopbaan:
Laerskool Florida
Hoërskool Florida
Matrikuleer in 1966
Verwerf gedurende hierdie tyd provinsiale kleure in
atletiek, tennis en krieket.
Militêre Diensplig:
Voltooi in 1967 in Pretoria
Loopbaangeskiedenis:
1958-1970 studeer aan UP en verwerf B-Comm
graad.
1971 begin by Sanlam en in 1990 word bevorder tot
hoofbestuurder - posisie wat hy beklee het tot en met sy aftrede.
Ander:
Sportkommentator by SAUK, sedert vroeë sewentigerjare - eers radio en daarna TV.
4 keer benoem as sportkommentator van die jaar
(2x radio en 2x TV)
Verskeie Wimbledons en Franse Opes tennis
uitgesaai
Laaste 10 jaar in die Bosveld geboer met
Brahmanstoet en wild. Verwerf in 2003 toeking as Brahmanteler van die
jaar.
Getroud met Claudie van Straaten (Springbokatleet)
en het 2 kinders: Christo (Helikopter vlieënier) en Marianne (Art
Director)
Oorlede April 2008
Florries was bevoorreg om Chris van Onselen se
kenmerkende stem nog in Februarie 2008 as aankondiger tydens ons Prestige
Atletiekbyeenkoms op die UJ Atletiekbaan te hoor.
Hoërskool Florida eer die nagedagtenis van hierdie
top oud-florrie!
|
Lidmaatskap
aansoek vorm (pdf)
